Ka Sarot I Man kawei na ki kynhun jong ki shi paralok kaba don ia ka thong ban iarap katba lah ka bor ia ki briew hapoh ka Ri Lum Jaiñtia, kaba na ki por sha ki por ka la juh leit ban ai jingiarap khamtam sha ki thaiñ nongkyndong kaba la juh ai jingiarap da kaba synniang snam. Ha kane ka ka 20.12.203 kane ka kynhun ka la pynlong ka jingai snam ne ka Valuntary Blood Donation Programme ha Jowai Civil Hospital Blood Bank kum shi bynta ka jingrakhe ia ka jingdap 3 snem ka seng.
Ha kane ka sngi la don ka jingialang kaba lyngkot kaba la pyniaid da u ma Ram Sumer uba long uwei na ki dkhot ka kynhun ha kaba la ioh ia ki jingkren na u ma u Riquoma Rq. Laloo, uba la iathuh kane ka seng kan dap 3 snem pura kata ha ka 25.12.2023, kumta kum ka jinglehkmen ia kane ka jingdap lai snem jong ka seng ki dkhot jong ka, ki kwah ban leh kmen da kaba ai jingiarap ia kiwei de ki para mynsiem kumta ki la pynlong da kane ka jingiasynniang snam.
Na ka liang jong u ma Riquoma u la khot bad pynshlur ia kiwei de ki briew ba kin wan shakhmat ha ka ban ai snam, namar ka jingai snam kan long ka jingiarap kaba khraw ia kiwei pat ki para mynsiem kiba donkam kyrkieh ia ka snam ha ka pang ka shitom.
Ha kane ka sngi la ioh ruh ia ka jingkren na ka Doctor Patricia Shylla, Medical Officer ba dei peit ia kane ka Blood Bank, Jowai, kaba la ai ki jingbatai katto katne shaphang ka jingai snam, la ioh ruh ka nguh blei na u ma u Kyllimot Lhuid bad ki kyntien ai khublei na u ma Ram Sumer.
