Ka KHADC ha ka 18 tarik Kyllalyngkot 2025 ka la pynlong ïa ka Dorbar Iktiar Paidbah ha madan Polo.
Kane ka Dorbar ka long ban ai bor ïa ki Dorbar Kur, ki Rangbah Kur, ki Seng Kynthei, bad ki Seng Longkmie.
U Lat ka jylla Meghalaya u Shri.CH Vijayashankar u la wan ban iadonlang kum u Kongsan, bad u Symbud Myntri Rangbah ka Jylla u Shri Prestone Tynsong kum u Kongsan badonburom.
Haba kren ha kane ka sngi na ka liang u Lat ka jylla u CH Vijayashankar u la pynpaw ia ka jingdonkam jong ki riti dustur jong ka Meghalaya ha kaba pynneh pynsah ia ka jinglong tynrai jong ki jaitbynriew Khasi, Jaintia, bad Garo. U la pynpaw ia ka jingburom bad burom kaba la ai sha ki kmie bad ki kynthei ha kaba pynneh pynsah ia kine ki riti dustur.
U Lat u la pynpaw ia ka jingdonburom jong u ban mynjur ia ki jingpynkylla kiba kongsan ha ka ain pynkylla ia ka riti synshar khadar (Administration of Elaka) 2023 bad ka ain pynkylla ia ka riti synshar khadar (Khasi Social Custom of Lineage) 2023. U la pynksan ia ka jinglong jingman jong ki ha ka jingkhlain la pynshlur ia ki nongshong shnong ban khein kor bad iada ia ka pateng imlang sahlang kaba riewspah jong ka jylla. U la kyrshan ruh ban pynbeit ia ki rukom tynrai bad ki juk mynta, ban pynthikna ba kin iai bteng ban pynmih ia ka jingsngew sarong ha ki pateng ban wan.
Shuh shuh u lat u la bynrap ïa ka bynta ba kongsan jong ki ADC kum ki nongsumar ïa ki riti dustur, ki jaka puta, bad ki rukom synshar. U la kyntu ia ka jingiatreilang hapdeng ki nongialam jong ka ADC bad ka sorkar jylla ban pyniadei ia ka riti dustur bad ka jingkiew shaphrang, ban kyntiew ia ka roi ka par kaba kynthup lang ha kylleng ka Meghalaya.
Ha kane ka sngi ka KHADC ka la aiti ïa ka jingpynbna sha baroh ki Rangbah Kur bad ka la pynbna ruh ba ki la pynkylla sha ka ktien Khasi ïa ka Aiñ Khasi Autonomous District (Administration of Elaka) Amendment Bill 2023 bad ïa ka Aiñ Khasi Autonomous District (Khasi Social Custom of Lineage) Amendment 2023. Bill 2023, bad kin sa phah sha ki Hima’s ban ai sha ka Shnong bad kiwei kiwei bad ban pyntreikam ia ki ha la ki shnong ki thaw.
