Sngewkmen ka FKJGP War Jaiñtia Circle ba ioh Sub-Divisional Hospital ka thaiñ War Jaiñtia

Ka Seng FKJGP War Jaiñtia Circle ka pynpaw ia ka jingsngewkmen kaba khraw ia u MLA ka thaiñ u Bah Lahkmen Rymbui, Myntri ka Sorkar Jylla hadien ba ka sorkar ka la pynmih ia ka Notification No.Health.149/2022/28 dated Shillong, the 9th December 2022 lyngba ka Health & Family Welfare Goverment of Meghalaya ba ia ka Jarain PHC la kyntiew kyrdan sha ka Sub-Divisional Hospital kaba nyngkong eh ha Rilum Jaiñtia.
Kum ban shu pynkynmaw naduh ka 19 September 2012 terter haduh snem 2020 khlem sangeh ka Seng ka la leit ban ai dorkhas na ka bynta ban wanrah ia ka Sub-Divisional Hospital hapoh ka thaiñ Amlarem.
Kumta ha ka 13 tarik na ka liang u Bah Lahkmen Rymbui u la kren shai da kaba pyntikna lyngba ki lad pathai khubor ba ia ka PHC Jarain yn kyntiew kyrdan noh sha ka Sub-Divisional Hospital. La khmih lynti ba lyngba ka jingwan jong kane ka Hospital kan long ka jingkyrkhu kaba khraw ia ki paidbah ka thaiñ War-Jaintia kiba duna ka ioh ka kot, pynpaw ka seng.
Na ka liang jong u Bah Rymbui u la pyntikna ba ia kane ka Hospital yn buh mawnongrim ha ka 20 December 2022.
Kumta na ka liang ka Seng ka phah ia kane ka kyrwoh khubor ban ai khublei ia ka Sorkar Jylla, kumjuh ia u Bah Lahkmen Rymbui u ba la ialeh shitom ban pynurlong ia kane ka kam.
Kane ka long katkum ka kyrwoh khubor ba la phah da u President FKJGP War Jaintia Circle Bah Shlur Mukhim Asst.Genl. Secy FKJGP War Jaintia Circle Bah K.M Khonglah