Mynta ka sngi u Dr. H.H. Mohrmen uba dei u General Secretary jong ka kynhun SURE, ula pynpaw ka jingkmen kaba khraw halor ka jingshah khot sngewbha ia u da ki briew kiba don ka jingdun ban iohi ha ki khmat, na ka bynta ban iakynduh lang ha kawei ka ïing sah jong I kong Durkar kaba don ha shnong Mukhla Nongrim, West Jaintia Hills District.
U Dr Mohrmen ula pynpaw ba u dap da ka jingkmen ba ioh ia kynduh ia ki 11 ngut kiba don ia kane ka jinglong kyrpang. Ula pynpaw ka jingsngewnguh ia ka kong Durka Sari kaba la pynlah ia kine ki paralok jong ka kiba don ia kajuh ka jinglong kyrpang ban ia kynduh ia u Dr. Mohrmen ban ioh iakmen lem bad ki ha kane ka jingiakynduh lang.
Na ka liang jong u Dr. Mohrmen u la pynpaw ia ka jingkmen ban iakynduh ia kine ki paralok ba thymmai kiba kynthup ia u Richard Lamin uba trei kum u CISCO ha Bangalore, u Turnid Dkhar ba long u nonghikai Computer ha Bethanym ka Ri ïung Talang kaba dang pule ha ka Class 12 ha Bangalore bad ka kong Krilda Sylliang kaba dei ka nonghikai SSA.
Kum ban shu pynkynmaw ba u Dr. Mohrmen u dei u wei na ki riew paw khmat jong ka ri lum Jaintia bad hapoh ka jylla kumjuh. Ula don bynta ha shibun ki kam kiba iadei bad ka imlang ka sahlang. U long ruh uwei na ki nonglam lynti ia kum kine ki briew kiba don jingduna ba ki bor jingiohi, nalor kiwei de ki kam kiba u la trei ha ka imlang ka sahlang uba ju ai jingshakri ruh ha ka Balang Unitarian Jowai kum Pastor jong ka.
La iathuh ba kane ka jingialehkmen jong kine ki kynhun ka long ha ïing jong ka kong Durka Sari kaba la pynshna na ka skhim PMAY na ka Thadlaskeiñ Development Block ha shnong Mukhla Nongrim. Ha kane ka sngi la iadonlang ruh u ma Standbymme Sari uba dei shipara bad ka kong Durka Sari.
