Mynta ka sngi ka All Jaintia Cricket Association (AJCA) ha shwa ban sdang ia ka jingialehkai Semi Final, ha Madan Jrisalein kala pynpaw ia ka jingsngewlem halor ka jingkhlad ba kyndit jong u Shane Warne, daka pynlong ia ka jingsngap jar ba shiminit.
U Shane Warne u dei u wei na ki nongialehkai Cricket ba paw jong ka ri Australia. La kha ia u ha ka 13 September 1969 ha Upper Ferntree Gully jong ka ri Australia. U dei u nongkawang bol ba tbit bha ha ka history jong ka jingialehkai cricket. U la khlad hynnin ka sngi (4.3.2022) ha ka rta ba 52 snem, na ka daw jong ka jingkyndeh klong snam (heart attack), ha ka jaka sumar ha Thailand. Ula ieh noh shadien ia i lok ka Simone Callahan kaba u iathoh ha u snem 1995 bad iashong haduh u 2005. U don lai ngut ki khun.