Ka seng FKJGP-East Jaiñtia Hills ka pynpaw ka jingsngewsih kaba khraw haba ka seng ka ioh jingtip ba u (L) Kynjaimon Amse uba dei ruh u Muktiar ba pawkhmat ka District ula khlad noh na kane ka sla pyrthei mynnin ka miet ha ka jingjia aksiden ha ka Shnong Dkiah West. “Kane ka jingkhlad khlem poi pyrkhat ka dei ka jingduhnong ka ba khraw bha iaka thaiñ ka Ri bad ia ka jaitbriew hi jong ngi baroh, namarba u dei u briew uba iakit iabah bha iaki jingeh ka jaitbriew bad udei u briew u ba sngewrit bha, u dei u briew u bym lah shah ban shu peitkai lada ka jaitbriew ka Shah iuhroit, ka seng bad ka thaiñ hi kan ym klet iaki dienjat ba bha jong phi Sir (L) Kynjaimon Amse”.
Ka seng ka phah ka khubor sngewlem sha ka Dorbar Shnong Umkiang bad sha kiba ha ïing ha sem i Sir (L) Kynjaimon Amse bam kwai ha dwar u Blei, ba u Blei un kyrkhu shuh shuh ia ka ïing ka sem jong ki bad khnang ba phin ym duh jingkyrmen halor ka jingduh bakhraw kum ka ïing namarba ka lah ban dei ba u Blei ula imon ia i ban khot shalade bad khadduh khadwai “Sir Kynjaimon Amse to nang iai kyrkhu ia ka jaitbriew ba ieit jong ngi na jrong kham tam ka East Jaiñtia ba ngin ioh sei sa shisien u Nongialam kum ma phi khublei Shibun”.
Kane kadei katkum ka kyrwoh na u Information Secretary bad u President ka seng u bah Michal Chyrmang bad Bah Deihok Sumer.