Ka Meghalaya Editors’ and Publishers’ Association (MEPA) ka pynpaw ia ka jingsngewkyndit bad ka jingsngewsih kaba khraw halor ka jingkhlad noh jong i Kong Angelina Riazida Lyngdoh iba ngi ju khot ieit i Kong Ria mynta ka sngi.
I Kong Ria kum i nongpynmih (Publisher) ia ka kotkhubor U Nongsain Hima i la noh synniang shibun eh sha ka kam pathai khubor ha ka jylla bad i dei ruh i dkhot iba la rim eh jong ka MEPA. Kumta ka jingkhlad noh jongi ka la long ka jingduh kaba khraw ia ka kam pathai khubor ha Meghalaya bad ruh ia ka MEPA hi baroh kawei.
Na ka liang ka MEPA ka phah ka jingsngewlem sha ka ïing i Kong Ria khamtam sha ki khun jongi kiba kynthup ia i Bah Andrew W. Lyngdoh iba dei u Editor jong U Nongsain Hima, i Bah George B. Lyngdoh iba dei u MLA ka Umroi Constituency bad u General Secretary barim ka MEPA bad sha baroh ki ba ha ïing hasem jong kane ka ïing kaba mad ia kane ka jingjia ba sngewsih.
Ngi duwai ba ka mynsiem jong i Kong Ria kan ioh jahthait sha bymjukut bad ruh ba ki matti jong i kin iai sah pyrto junom.
Ong ka kyrwoh sngewlem ba la pyllait da u bah John W. Thabah, General Secretary, MEPA.