Ka Ïingdorbar jong ka Khasi Hills Autonomous District Council (KHADC ) ha ka 20 tarik Rympang 2026 ka la pynwai noh kum ka dak ban burom halor ka jingkhlad noh u MP ka Shillong u Dr Ricky Andrew J Syngkon.
Ha kane ka sngi ki MDC ki la ïeng bad pynpaw ia ka jingsngap jar kaba shi minute kum ka daw ban sngewlem halor ka jingkhlad noh u Dr Ricky Andrew J Syngkon MP ka lok Sabha na Shillong.
Ha kane ka sngi ka Ïing dorbar ka la mynjur tang ia ka Budget kaba 3 bnai kaba kot sha ka 36 klur tam ka ba la wanrah da u EM ba peit ia ka Pla Tyngka u Seiborlang Warbah.
Kum ban shu pynkymaw u Dr Ricky Andrew J Syngkon u la khlad noh ha ka miet jong ka 19 tarik Rympang 2026 ha Robert Hospital hadien ba u la kyllon ha madan ha ka por ba lehkai football ha kaba la kit ia u sha CHC bad kham hadien la pynkynriah noh sha Dr H Robert Hospital bad u la khlad noh na kane ka sla Pyrthei.
