U Myntri Rangbah ka Jylla u Conrad K Sangma ula pynpaw ia ka jingsngewlem halor ka jingkhlad noh jong u Kpa Bakhuid ka Balang Roman Katholik u Pope Francis mynta ka sngi.
“Nga pynpaw ia ka jingsngewsih ba khraw halor ka jingkhlad jong u Kpa Bakhuid u Pope Francis. Kum u khliehduh jong ka Balang Roman Catholic, u Pole ula ialam ia ka Balang da ki nuksa ba bha jong u. U dei u Pope jong ki riew Paidbah bad ka jingim jong u ka pynpaw ia ka jingsngew para briew, ka jingieit bad uba dap da ka jingisynei sha baroh. Ka jingsynshar jong u kum u Pope yn iaid kynmaw kum ka jingsuk ha ka pyrthei. Nga kynmaw sah ia ka jingiohlad ban iakynduh bad u Pope ha nongbah Vatican ha u December 2022, ha kaba nga la kyrpad ia u ban buh ha ka jingduwai ia ka Jylla, ka Ri bad ia ki nongshong shnong jong ka. Mynta ka sngi, ngi la duhnoh ia u Nongaplangbrot jong ka Balang, u Nongialam ka Pyrthei bad u Pope jong ki riew padiabh. Hynrei ka jingim jong u kan ai mynsiem ia ngi lang baroh. Ai ba ka mynsiew jong u kan shongwah ha ka jingsuk junom la junom” La pynpaw u Myntri Rangbah ha ka Social Media jong u.
[Photo credit : Conrad K Sangma FB]