Ka BJP Mahila Morcha Meghalaya, ka pynpaw ka jingsngewnguh ia u Modi bad ia baroh ki dkhot ka Lok Sabha bad Rajya Sabha, ia ka jing ai jingkyrshan jong ki ia ka Women’s Reservation Bill. Ha baroh kine ki 27,797 sngi, ba palat 76 snem hadien ka jingioh laitluid ka ri India, ka seng BJP ka la lah ban pynurlong ia kane ka Bill.
Baroh kine ki snem kiba la leit noh la tyrwa bad wanrah ia kane ka Bill da ki Myntri Rangbah ba bun jong ka ri, ha kaba don na pdeng jong ki kiba tyrwa ia kane ka Bill kum ka buit ban pynbieij ia ki paidbah khnang ban jop election, hynrei ym pat don uba lah ban pynbiang thik ban pynurlong ia kane ka Bill, hynrei mynta ki pyrshang ban shim ia ka burom sha lade da kaba kam ba ka jinglah ban pynurlong ia kane ka bill ka dei ka jingtrei shitom jong mano re mano.
Dei tang ka seng BJP hapoh ka jingialm u Modi kaba don ia ka jingshlur bad jingthrang ban pynioh ia ka jingmynjur ia kane ka Bill ha ki iingthaw aiñ ka ri, kata ka Lok Sabha bad Rajya Sabha, da ka jingkyrshan lang ba khlem kyndon na baroh ki liang. Ka seng BJP ka la pyni da ka kam ym da ka ktien.
Ka BJP Mahila Morcha Meghalaya, ka ieng ha ki jingkren u President ka seng BJP ka jylla Meghalaya u bah Mawrie ba “Ka BJP ka khmih na ka bynta ki riewlum”, bad kyntait syndon ia ka jingkynthoh jong u nongrah ktien ka seng TMC u Ripun Bora, uba long uwei napdeng kiba donkti ban pyniap ia u Daniel Topno uba dei na ka jaitbynriew riewlum. Bah Bora sngewbha ban kynmaw, ba ka Droupadi Murmu kaba dei ka riewlum, kaba la shah jied ban long ka President jong ka Ri, da ka jingtyrwa bad jingkyrshan ka seng BJP.