Ka Dorbar Shnong Wapungskur, East Jaintia Hills, ha u kyrwoh khubor ba la pyllait da u Waheh Shnong, u Ma Deolangki Dkhar, ka pynpaw ia ka jingsngewnguh bad jingsngewburom haduh katta katta ia ka Dorbar Shnong Masynram hapoh ka jingialam u Rangbah Shnong bad Secretary, u Bah A.L Shangpliang bad u Bah P. Dohling bad ia baroh ki nongshnong shnong jong ka shnong Mawsynram; kumjuh ruh ia i Acting Syiem, ka Hima Mawsynram, Pa’iem B. Marbaniang; ia ki pulit ka Mynsynram Police Station; ia i Local MDC ka Mawsynram Constituency, Bah Albin Sawkmie; ia u Executive Magistrate, ka Mawsynram Civil Sub-division, u Bah P. Mukhim, ia i J.E, PWD (Road) Mawsynram Division, Bah A.J Blah; ia ki sengbhalang, naduh ka KSU, HYC bad kiwei kiwei; lem bad ia ki nongialam niam ba pher ba pher ka shnong Mawsynram, kyrpang eh ia i bah Hesland Syiemiong, i wei na ki nongshnong shnong jong ka shnong (Mawsynram ) bad ruh ia kiwei kiwei kiba ym shym la lah ban kdew kyrteng lut hangne, halor ka jingiarap ba radbah jong ki baroh ha kiba bun ki bynta ba khraw, bym lah ban ñiew lut hangne, naduh ka 13 tarik haduh ka 15 tarik mynta u bnai, halor ka ka jingkynduh jong ngi (ka shnong Wapungskur), ia ka jingjia ba sngewsih kthang ia ki arngut na ki nongshnong shnong jong ka shnong Wapungskur na ka jing ur ba shyrkhei jong ka kali ha kaba ki don, ha u surok hajan ka Mawjymbuiñ Cave, ha ka 13 tarik, u August, 2022 ha kaba ngi la duh noh ia ka jingim ba kordor jong u wei na kitei ki ar ngut, kata ia Nidayoophi Dkhar (Bam Kwai ha Duwar U Blei), katba donbok da ka jingwan kloi pat jong kitei ki nongiarap ba la kdew haneng, la lah ban pyllait im pat ia u wei, u ba mynta u dang don ha ka jingshah sumar ha kawei na ki hospital ha Shillong. Ia ki kam ba khraw jong kitei kiba la kdew haneng baroh, ka Dorbar Shnong kan ym lah shuh ban siew kylliang da lei lei ruh em, hynrei kan buh tang ha ki jingduwai ia ki baroh ba kin ia koit ia khiah krat bad ia roi kyrhai ha baroh ki liang.
Ha ka jingiadei bad katei ka jingjia ba kthang, ka Dorbar Shnong Wapungskur, ka pynpaw ruh ia ka jingsngewnguh ia ki kynhun, S&RT bad SDRF jong ka sorkar jylla, ia ka Kyrmen Foundation bad ruh khamtam eh ia u Ma Kyrmen shylla, Minister ka Sorkar Meghalaya i/c Revenue and Disaster Management Department, bad ruh ia kiwei kiwei ruh kiba ngim shym lalah ban kdew lut hangne, halor ki kam ba radbah jong ki ban ai iarap ia ka shnong ha katei ka jingjia ba sngewsih ba la kdew haneng.
Kumjuh ruh ka Dorbar Shnong Wapungskur, ka pynpaw ia ka jingsngewnguh ruh ia baroh ki khun jong ka Dorbar Shnong Wapungskur, ia ka Balang Presbyterian Wapung, lem bad ia kiwei kiwei de ki paralok na ka Shnong Wapungshnong bad ia baroh kito kiba la shim ia ka bynta kaba khraw ha ka ban iarap ia ka Dorbar Shnong Wapungskur ha katei ka jingjia ba sngewsih ba la kdew haneng.
Khatduh eh, ka Dorbar Shnong Wapungskur, ka pynpaw ruh ia ka jingsngewnguh ia baroh ki riewpawkhmat bad ki paidbah kiba na jan bad na jngai, kiba la wan ia don ryngkat lem bad pyntngen ia ka Dorbar Shnong Wapungskur bad khamtam eh ia ka iing ka sem jong i Nidayoophi Dkhar, Bam Kwai ha Dwar U Blei, naduh ka 13 tarik haduh ka 16 tarik, ka sngi ai khublei khatduh ia ka basah jong i (Late Nidayoophi Dkhar).