Ka Seng FKJGP War Jaintia Circle ryngkat ka jingiatreilang bad ka FKJGP West Jaintia Hills District ki la pynpaw ka jingsngewnguh ia u Deputy Commisioner jong ka West Jaiñtia Hills District u ma Garod L.N.S Dykes bad ruh ia u ma M. Rymbai E.E ka MePDCL Jowai Distribution Division kiba la kloi ban shimkhia ban pynioh bording (Tranformer) ia ka shnong Padu-Bah myn hynnin ka sngi (14/07/2022) ha ka por nohphai sngi, hadien ka jingduh bording kaba la dap ar bnai mynta.
Kane ka jingshimkhia jong u DC ka long hadien ba ka FKJGP ka la leit ban iakynduh ia u ha ophis treikam jong u ha Jowai, ha ka 07/07/2022 ha kane ka jingleit iakynduh la lamkhmat da u President bah Shlur Mukhim Asst.Secy. bah Kynsai M. Khonglah, Organisining Secy. FKJGP West Jaintia Hills District ma Wompher Wann President FKJGP West Jaintia Hills District ma Nabait Ymbon kiba la kyrpad ia u DC ban sngewbha ban pynioh bording ia kane ka shnong.
Ha kane ka sngi ka seng ka la aipor shitaiew ban pynioh bording ia kane ka shnong, lym kumta ka Seng kan shim da kiwei pat ki lad ki lynti kiba kham tyngeh.
Kumta ha ka 14/07/2022 na ka liang ki briew ka MePDCL ki la wan ban pynioh bording ia kane ka shnong, shuh shuh ka Seng kam lah khlem da pynpaw ka jingsngewnguh ia ki dkhot jong ka Seng kiba ia don bynta lang ha ka 02/07/2022 ka sngi ba la pynlong Meeting paidbah ha shnong kum ia u Batskhem Myrchiang Genl.Secy FKJGP West Jaintia Hills District ia u Leader Paia Dkhar Legal Secy. FKJGP West Jaintia Hills District ia u N.Pohthmi Waheh Shnong Padu-Bah kumjuh ia u Secy. Shnong Padu-Bah C.Pohshna, kiba ia snohkti lang bad ka Seng na ka bynta ka bit ka biang jong ka shnong ka thaw bad ka imlang sahlang.