Ka Seng FKJGP War Jaintia Circle hapoh ka jingialam u Bah B.Mukhim kum u President bad u Bah K.M. Khonglah kum u Asst. General Secretary ka la pynpaw ia ka jingsngewnguh kaba khraw ia ka tnat MePDCL baroh kawei halor ka jingshimkhia jong ka ban pynioh Tranformer mardor ia ka shnong Pamtadong Shnong ha ka 30/11/2022 halor ka jingbyrthen tyngeh jong ka Seng ban khang tala shisyndon ia ka ophis treikam jong katei ka tnat hapoh shitaiew lada kam shim khia ban pynioh bording ia katei ka shnong.
Kum ban pynkynmaw ba ka Seng hadien ba ka la ioh jingujor na u Waheh Shnong jong kane ka shnong ha ka 24/03/2021 bad u la kyrpad ruh ia ka seng ban bud dien lang ia kane ka kam halor ka jingduh bording jong katei ka shnong la kumba 10 snem duna eiei, kumta kum seng ha ka 30/03/2021 ka la leit ai jingthoh ha i Asst. Excutive Engineer MePDCL Amlarem Distribution Sub-Division hadien nangta pat ka Seng ka la leit ai jinthoh biang ha i Excutive Engineer Jowai Distribution Division ha ka 09/12/2021 hynrei na ka liang ka tnat kam shym la patiaw eiei, kumta na ka liang ka Seng ka la ai por shitaiew ha ka 21/11/2022 lyngba ki lad pathai khubor ban pynioh bording ia katei ka shnong bad ka la ioh bording noh ha ka 30/11/2022.