Ka Jaiñtia National Council (JNC) ka la ai khublei ia i DSEO Kong P. Dkhar ba i la shimkhia ban pynurlong ia ka jingdawa jong ka seng halor ka jingiadei bad ka post nonghikai Science jong ka Rymbai Government School kaba lah neh thylli da ki bun bun bnai.
Ha ka jingiakynduh bad ine i officer Kong P. Dkhar ila iathuh ba la dep ban ioh ia ka shithi permission ban advertise noh ia kane ka post ha ki media ban pynurlong direct da kaba pynlong da ka Work in Interview ha ka Sngi Thohdieng lashem taiew kata haka 27/10/2023 ha ïingtreikam jong u Deputy Commissioner ka East Jaintia Hills District.
Ka seng ka pynpaw ia ka jingsngewnguh kaba khraw ia ka Kong P. Dkhar bad kumjuh ia u D.C. Shri. A. Baranwal, IAS, ba ki lah shimkhia ia kane ka kam na ka bynta ka jingbha jingmiat jong ka skul khamtam ia ki khynnah pule bad kane ruh kan sa plie lad ia ki nongwad kam wad jam jong ka thaiñ, iathuh ka tyllong khubor bala pyllait da u Vice President ka seng bah Ency Shadap.