Ka Jaiñtia Student Union (JSU) Southern Border Zone ka la ai khublei bad sngewnguh ïa u ma Kyrmen Shylla (Local MLA) ha kaba u la shim khia ban maramot ïa ka surok kaba la tip kum ka Rymbai-Bataw-Borghat Road (RBB Road).
Katkum ba la ïoh jingtip la iathuh ba katei ka surok ka la shah ibeiñ la bun bun snem khlem da pynbha pat ïa ka ha kaba katei ka surok ka la sniew bad la buh jingeh shibun khamtam ïa ki ba dei iaid lyngba katei ka surok, namar la dap satang da ki thliew ki syar suda bad ka la ap jingma ruh ïa ki kali ki motor.
Kumta na ka liang jong ka JSU Southern Border Zone ka la maham tyngeh ïa ki truck kiba kit palat pud ban iaid lyngba katei ka surok, khamtam eh ïa ka Unique Industry Pvt Ltd (Coke plant) kaba don ha Wah Deinling ban bud ïa ki aiñ ka sorkar ban ym kit palat pud haba iaid lyngba katei ka surok. Khnang ba katei ka surok kan neh na ka liang jong ka JSU Southern Border ka la maham jur ba kan leh da kaba tyngeh lada lap ïa kito truck kiba kit palat pud kiba iaid lyngba ka surok RBB road. La pynkut ka kyrwoh na samla Ajoymeson Lyngdoh President JSU Southern Border Zone.