Ka Dorbar Shnong Lumlangdoh Nongjngi-A kala pynpaw ia ka jingsngewnguh kaba khraw ia ka Ramakrishna Mission Sohra kaba la poi sha ka shnong jong ki ha ka 18/12/2022 na ka bynta ban wan peit wan jngoh ia ki jingeh kiba ka shnong ka ia kynduh khamtam ban kyntiew ia ka pule puthi.
Na ka liang ka Dorbar Shnong ka pynpaw ruh ka jingsngewnguh ia u Secretary Maharaj jong ka Ramakrishna Mission Sohra, ia u ma Manbha Lyngdoh uba la ialam lynti ia kane Mission ban poi sha kine ki thaiñ.
Ha katei ka sngi kala don ka jingialang paidbah ha kaba la ioh jingkren na u Secretary Maharaj jong ka Ramakrishna Mission Sohra uba la ong ba ka jingthmu jong ka seng ka long ban ai ka jingiarap ia ki briew kiba duk ba kyrduh jong kane ka thaiñ khamtam eh ha ka liang ka pule ka puthi.
Kiwei de kiba la ai jingkren ki kynthup ia u ma Manbha Lyngdoh, u ma Ram Samati bad kiwei. Ki nongkren baroh ki pynpaw ka jingsngewnguh ia kane ka Ramakrishna Mission Sohra bad kyrmen ba ka jingwan jong ka sha kine ki thaiñ kan long ka jingkyrkhu ia ka shnong ka thaw bad ka thaiñ hi baroh kawei khamtam eh ha ka liang ka pule puthi.
Ha kane ka sngi na ka liang ka Ramakrishna Mission Sohra, kala sam ruh ia ki jaiñ Blanket sha ki 200 ngut ki nongshong shnong ha kaba la sam ia ki mar 2 tylli marwei.
