Ki ar tylli ki sengbhalang kiba la shim khia halor jingduhlait jong ka shnong Khliehriat Pohshnong na ka daw jong ka jingsniew noh u Transformer kata ka MPUF East Jaintia bad ka EJNC Khliehriat Circle kila pynpaw ka jingsngewnguh bad ai khublei ia u Chief Engineer jong ka MeECL ula la shim khia ban phah maramot kloi kloi ia utei u Transformer ba la duhnoh.
Mynta ka sngi na ka liang jong u President ka MPUF East Jaintia u ma Kyrshan Blah bad u President ka EJNC khliehriat circle u ma Sanjoy Bareh kila pynpaw ka jingkhublei sha u tei u Chief Engineer jong ka ka tnat MeECL East jaintia hills ia ka jingshimkhiah ka jong u haba iadei bad ka jingdawa jong kitei ki ar seng ban pynioh bording ha ka dong Pohshnong Khliehriat East Jaintia Hills.
Kum ban shu pynkymmaw ba ki tei ki arseng ki ladep summit da ka memorandum ha ka 18/04/22 hakhmat jong ka ophis treikam u Chief Engineer jong ka tnat MeECL .
Na ka liang jong u President ka MPUF East Jaintia u ma kyrshan Blah u la pynpaw ka jingsngewkmen ban don kum une u ophisar u ba lakloi ban peit lem iaka jingud jongki paidbah bad u bakloi ban sngewthuh lem shem jingeh jong ki paidbah.