[Kyntu ia u Urban Minister ban tuklar noh halor kane ka jingeh]
Ka Hynñiewtrep Youth Council (HYC) Jaiñtia Hills District Unit ka pynpaw ïa ka jingsngewsih ban ïohi ïa ka jingbun ki ñuit ki ñier katba nang mih ki sngi ha ki bynta ba ha khmat jong ka ophis u Deputy Commissioner ka West Jaiñtia Hills District bad sha kiwei de ki bynta ka sor Jowai.
Ka seng kala ong mar ïawan ka aiom lehkmen hapoh ka District kum ka Behdeiñkhlam bad ka Christmas kan don beit ka jingpyrshah ïa ka Jowai Municipal Board haba dei bad ki jaka bret ñuit jong ka, imat haba peit kumne ka don eiei sha lyndet jong kiba don haka bor.
Kane ka jingleh Politics haba ïa dei bad ki ñuit ba mih na ka sor Jowai ka long ka jingduh nong jong uba bun balang uba im ha ka mylla mynsngi ha Ïewmusiang ong shuh shuh ka seng.
Na liang jong ka seng ka kyntu ïa u Minister jong ka Urban Affairs ba u dei ban tuklar noh mardor ïa kine ki jingeh kiba ki nong shongïew bad nongshnong shnong jong ka sor Jowai ki shem jingeh na ka jingleit bret ïa ki ñuit.
Halor kane ka seng ka kren shai sha ka sorkar ‘Hato ka sor Jowai ka dei ka jaka theh ñuit ne ka jaka ban pynlong ïew ne office sorkar kumba la thmu ban pynkylla sha ka Smart Town hynrei ka ba iphylla ka kylla da khongpong’. Kumta na ka liang ka seng HYC Jaiñtia Hills District Unit ka pyrshah jur ïa kane ka jingleh mynthi jong ka Sorkar bad u MLA jong ka 2 Jowai Constituency haba ïadei bad ki jingeh jong u paidbah ka Ri-Lum Jaiñtia baroh kawei, pynkut ka kyrwoh na u President samla Mewathi Suchiang.
