U District Magistrate, ka West Jaintia Hills ula pynbna sngi tyrkhong kyiad (Dry Day) ha ka 29 tarik mynta u bnai ha baroh ki bynta jong ka District namar ba ka dei ka sngi ban rakhe ia ka Good Friday.
Kumta la btah ia baroh ki jaka die kyiad kiba don license bad ki pata ba die kyiad pyrsi bad ki dei ban khang khyrdep lut ha katei ka sngi ba la kdew. La khang ruh ia ka jingleit pynpoi kyiad sha ki ïing briew (Home delivery) ha katei ka sngi.
Lada lap ia kino kino kiba ialeh pyrshah ia kane ka hukum kin shah pynshitom katkum ki kyndon aiñ.