Ka Rangdajied United FC ka la bteng biang ban khur ia ka jingjop na ka bynta ka jingiakhun ha ka lympung Shillong Premier League (SPL) 2024-25, kata hadien ka jingaireng pyrshah ia ka Sawmer SC hynne ka sngi ha madan SSA stadium Polo Shillong.
Ka Rangdajied kaba la neh mynta ha ka kyrdan ba 3 hadien 8 sien ki jingialehkai, mynta ka samoi ka la ioh 16 poiñ, kynthup ruh ka jingjop mynta ka sngi pyrshah ia ka Sawmer ha kaba ka la khur 3 poiñ da ka jingjop da 4-0 lyngba ka kol jong u Ieitlang Syiemlieh uba la thep 2 kol (minit ba 16 bad 32) katba ia ki 2 kol la ioh ban thep da u Wansiewdor Nengnong (20) bad Arlangky Nongsiej (25).
Haba phai sha kawei pat ka jingiakhun, ka Lajong ka la pynliem da 1 kol ia ka Laitkor SC lyngba ka kol jong u Deibormame Tongper uba la thep ha ka minit ba 74.
Hadien katei ka jingiakhun, ka Lajong ka la ïakhaid ha ka jingioh poiñ bad ka Mawlai SC, kata da 19 poiñ katba ka Laitkor kaba la dep ïakhun 9 sien ka dang ioh 13 poiñ haduh mynta ka sngi.
Ka jingiakhun na ka bynta lashai ka sngi ka 15 tarik Kyllalyngkot kan long hapdeng ka Mawlai SC pyrshah ia ka Sawmer SC ha ka por 2:15 janmiet.