Ka Klob Mawlai SC ka la ioh ban khur 3 poiñ ha ka jingsdang ia ka jingialehkai na ka bynta ka lympung Shillong Premier League (SPL) 2024-25, kata da ka jingjop da 1-0 pyrshah ia ka Laitkor SC ha ka jingiakhun ba la pynlong da ka Shillong Sports Association (SSA) ha madan SSA stadium, Polo Shillong.
Katei ka jingjop ka la wan hadien ka jingiakhun kaba jwat hapdeng kine ki ar kynhun bad la sakhi ba baroh arliang ki la angnud ban ioh pynkhih jar hynrei ha kaba kut ka kylla step (first half) ym don ba lah thep kol, dei lyngba ka kol u Baiaikara Swer ha ka minit ba 82 ka Mawlai ka la pyntikna ban khur ia ka jingjop kaba nyngkong mynta u snem.
Lyngba kane ka jingjop, ka Mawlai kaba dei ruh ka lahduh jong u snem ba lah dep, ka la ioh ban knieh ia ka kyrdan ba nyngkong na ka Shillong Lajong, kata da ka jingioh 16 poiñ na 6 tylli ki jingïalehkai mynta ka samoi katba ka Laitkor SC ka dang neh ha ka kyrdan ba 6 da ka jingioh 10 poiñ na 8 tylli ki jingïalehkai mynta ka samoi.
