Ka jingiakhun hapdeng ka Laitkor SC bad Langsning FC ka la kut noh ha ka jingiakhaid, kata da 0-0 ha ka jingialehkai ka wat ba 6 na ka bynta ka lympung Shillong Premier League (SPL) 2024-25 ha madan SSA stadium Polo Shillong.
Kitei ki 2 kynhun kidei ruh kiba iakhaid ha ka jingioh poiñ na 6 tylli ki jingïalehkai mynta ka samoi ha kaba ki la ioh mar 7 poiñ, kynthup ia ka 1 poiñ mynta ka sngi ka 2 Tarik Nohprah 2024.
Katba ka Lajong kaba la bat ia ka kyrdan ba nyngkong naduh ba sdang kane ka samoi 2024-25, ka la hiar noh sha ka kyrdan ba 3 hadien ka jingiakhun pyrshah ia ka Sawmer SC bad ka Sawmer ka la ioh jaka ha ka kyrdan ba 2. Ia ka kyrdan ba nyngkong la bat da ka Mawlai SC kaba dei ruh ka lahduh jong kane ka lympung ha u snem ba lah dep.
Kum ban shu pynkynmaw, ka Mawlai kadei ka kynhun kaba khlem pat mad ia ka nam rem mynta ka samoi, kata hadien 5 tylli ki jingïalehkai.
