Ka jingiakhun na ka bynta ka lympung Shillong Premier League (SPL) hapdeng ka Laitkor Sports and Cultural Club pyrshah ia ka Nangkiew Irat Sports Club ka la kut noh ha ka rukom kaba itynnad wat la ka Laitkor ka la ioh ia ka jingjop da 2-0.
Ia kane ka lympung ba la pyniaid da ka Shillong Sports Association (SSA), la bteng pat hynne ka sngi ka 23 tarik Risaw hadien ba kut noh ka wat ba nyngkong.
Ka jingiakhun ka long kaba iakhaid bor, bad la sakhi ia ka jingiatynjuh bor kaba itynnad. Ka Laitkor ka la ioh ban pynkhih jar hadien ka kylla step, kata ha ka minit ba 60 lyngba u Fridison Wanniang katba ia kawei pat ka kol la ioh ban thep da u Banskhem Kharkongor ha ka minit ba 90+1.
Ka jingiakhun na ka bynta lashai ka sngi ka 24 Risaw kan long hapdeng ka Mawlai pyrshah ia Ryntih FC ha ka por 11:50 bad ka Shillong Lajong pyrshah ia ka Rangdajied United FC por 2:45 ha madan SSA stadium, Polo Shillong.