Ka Rangdajied United FC kaba dei ruh kawei kynhun kaba khlaiñ ha ka samoi ïalehkai jong u snem 2022-23 ka la mad biang ia ka jingjop kaba ar, kata hadien ka jinglah ban pynliem ia ka Nongrim Hills Sports and Cultural Club da 1-0 hynne ka sngi ka 8.11.2024.
Kum ban shu pynkynmaw, na 4 tylli ki jingïalehkai ka Rangdajied ka la ioh 2 tylli ki jingjop bad lah ban ong ba ki 2 tylli jingiakhun ba shakhmat ki dei ki jingïalehkai ba eh tam, kata pyrshah ia ka Lajong bad Mawlai kiba dei ki kynhun ba don ha ka kyrdan ba nyngkong bad ba ar mynta ka samoi.
Haba phai sha ka jingiakhun kaba hynne ka sngi, ka Rangdajied ka la kham shem shitom ban pynkhih jar kumba long pyrshah ia kiwei ki kynhun dei tad ha ka kylla miet (87 minit) lyngba u Dibormi Kassar ka Rangdajied ka la ioh ia ka jingtikna ban khur ia ka jingjop ha ka jingialehkai ba la pynlong ha madan SSA stadium Polo Shillong.
Lyngba katei ka jingjop, ka Rangdajied ka la ioh 6 poiñ bad knieh ia ka kyrdan ba 6 na ka Nongrim Hills. Ka jingiakhun na la bynta lashai ka sngi ka 9 Naiwieng kan long hapdeng ka Shillong Lajong pyrshah ia ka Ryntih FC ha ka por 2:30 janmiet.
