Ka lympung ïalehkai phutbol jong ka kyrdan Super Division Football Tournament-2024 kaba la tip kum ka 4th Kyrmen Shylla Contribution Trophy ïa kaba la pynïaid da ka East Jaiñtia Hills District Football Association (EJHDFA) kaba la long mynta ka sngi 4 tarik u Nohprah, 2024 ha madan EJDSA Artificial Turf, Diengshynrum, Khliehriat.
Haba phai sha ka jingïakhun kaba nyngkong hapdeng ka kynhun ïalehkai jong ka Dhana CSC bad ka Chiehruphi SYWSC kila poi sha ka jingïakhaid da mar 1-1 kol, ïa ka kol na ka Dhana SC la thep da u Coming Dkhar haka minit ba 24 (OG), ïa ka kol naka Chiehruphi SYWSC la thep da u Sandy Kassar da u 45+3m (penalty)
Ha ka jingïakhun kaba ar ka R.Shkenshynriah SC kala pynliem da 3-0 kol ïa ka Sutnga SSCC, ïa ki kol na ka R.shkenshynriah la thep da u Roiboklang Bareh haka minit ba 26 & 82 bad u Mathew Bareh haka minit ba 90+1.
Ka jingïakhun Qualifier 1 ha ka 09/12/2024 ha ka por 1 baje nohphai sngi kan long hapdeng ka Thangskai Tiger pyrshah ïa ka Dhana CSC. Na ka bynta ka Eliminator Round ha ka 10/12/2024 haka por 1 baje nohphai sngi kan long hapdeng ka R.Skhenshynriah SC pyrshah ïa ka Sutnga SSCC.