Ka lympung ïalehkai phutbol jong ka kyrdan Super Division Football Tournament-2024 kaba la tip kum ka 4th Kyrmen Shylla Contribution Trophy ïa kaba la pynïaid da ka East Jaiñtia Hills District Football Association (EJHDFA) kaba la long mynta ka sngi 15 tarik u Naiwieng, 2024 ha madan EJDSA Artificial Turf, Diengshynrum, Khliehriat.
Haba phai sha ka jingïakhun kaba nyngkong ka kynhun ïalehkai jong ka Dhana SC kala pynliem da 3-0 kol ïa ka Ladrymbai-B SC, ïa kitei ki kol na ka Dhana SC la thep da u Shot Swer haka minit ba 32, u Pynio Dkhar haka minit ba 87 bad u Marki Swer haka minit ba 90+1.
Haka jingïakhun kaba ar ka R.Shkenshynriah SC kala jop da shikol (1-0) ïa ka Khliehriat West YWSC, ïa katei ka shikol na ka R.Shkenshynriah SC la thep da u Fairdyson Bareh haka minit ba 64.
La pyntip ka jingïakhun lashai ka sngi 18 tarik u Naiwieng kan long hapdeng ka R.Shkenshynriah SC pyrshah ïa ka R.Iawpynsing SC haka por 11:45 pm, katba ka Sutnga SSCC pyrshah ïa ka Ladrymbai-B SC ha ka por 2:15 pm.