Ka lympung ïalehkai phutbol jong ka kyrdan Super Division Football Tournament-2024 kaba la tip kum ka 4th Kyrmen Shylla Contribution Trophy ïa kaba la pynïaid da ka East Jaiñtia Hills District Football Association (EJHDFA) kaba la long mynta ka sngi 19 tarik u Naiwieng, 2024 ha madan EJDSA Artificial Turf, Diengshynrum, Khliehriat.
Haba phai sha ka jingïakhun kaba nyngkong ka kynhun ïalehkai jong ka Thangskai Tiger SC kala pynliem da 2-1 kol ïa ka Dhana SC, ïa kitei ki kol na ka Thangskai Tiger SC la thep da u Pynthymme Rymbai haka minit ba 53 bad u Maiki Nongtdu haka minit ba 68, ïa ka shikol na ka Dhana SC la thep da u Wanlang Massar haka minit ba 60.
Ha ka jingïakhun kaba ar ka Chiehruphi SYWSC ka la pynliem da 2-1 kol ïa ka Khliehriat West YWSC, ïa ki kol na ka Chiehruphi SYWSC la thep da u Premi Muksor haka minit ba 35 & 79. Ïa ka shikol na ka Khliehriat West YWSC la thep da u Moneshwar Mohela haka minit ba 90+2.
La pyntip ka jingïakhun ha ka 21 tarik u Naiwieng kan long hapdeng ka Ladrymbai-B SC pyrshah ïa ka R.Shkenshynriah SC haka por 11:45 pm, katba ka R.Iawpynsing SC pyrshah ïa ka Sutnga SSCC haka por 2:15 pm.
