Ka lympung ïalehkai phutbol jong ka kyrdan Super Division Football Tournament-2024 kaba la tip kum ka 4th Kyrmen Shylla Contribution Trophy ïa kaba la pynïaid da ka East Jaiñtia Hills District Football Association (EJHDFA) kaba la long mynta ka sngi saitjaiñ 30 tarik u Naiwieng, 2024 ha madan EJDSA Artificial Turf, Diengshynrum, Khliehriat.
Haba phai sha ka jingïakhun kaba nyngkong ka kynhun ïalehkai jong ka Thangskai Tiger SC kala pynliem da 4-1 kol ïa ka Ladrymbai-B SC, ïa ki kol na ka Thangskai Tiger SC la thep da u Dukijuh Rymbai haka minit ba 17, u Pynthymme Rymbai haka minit ba 30 (penalty) bad u Ruki Syrti haka minit ba 33 & 39. Ïa ka shikol na ka Ladrymbai-B SC la thep da u Laxman Lamare haka minit ba 61(penalty).
Haka jingïakhun kaba ar ka R.Iawpynsing SC lala pynliem da 5-0 kol ïa ka Khliehriat West YWSC, ïa kitei ki kol na ka R.Iawpynsing SC la thep da u Hesmiki Rymbai ha ka minit ba 60, u Slander Nongtdu haka minit ba 64 bad u Kiming Dkhar haka minit ba 67, 71 & 90+1 (hattrick)
Hadien ka Round ba hynriew ki kynhun kiba la ïoh khur point ki long kumne ka Dhana CSC 12-Point, ka Thangskai Tiger 12-Point, ka Sutnga SSCC 12-Point, R.Shkenshynriah 10-point, Chiehruphi SYWSC 10-point, R.Iawpynsing SC 5-point, Ladrymbai-B SC 4-point bad ka Khliehriat West YWSC 1-point.
La pyntip ka jingïakhun ha ka sngi 3 tarik u Naiwieng kan long hapdeng ka R.Iawpynsing SC pyrshah ïaka Ladrymbai-B SC haka por 11:45 am, katba ka Khliehriat West YWSC pyrshah ïa ka Thangskai Tiger SC haka por 2:15 pm.
La pyntikna ba ka Khliehriat West YWSC ka Club ba nyngkong ban hiar kyrdan noh sha ka 1st Division ha ka aiom ïalehkai ban wan.