Ka lympung ïalehkai phutbol jong ka kyrdan Super Division Football Tournament-2024 kaba la tip kum ka 4th Kyrmen Shylla Contribution Trophy ïa kaba la pynïaid da ka East Jaiñtia Hills District Football Association (EJHDFA) kaba la long mynta ka sngi 10 tarik u Nohprah, 2024 ha madan EJDSA Artificial Turf, Diengshynrum, Khliehriat.
Haba phai sha ka jingïakhun Semi Final (Eliminator Round) ka kynhun ïalehkai jong ka R.Skhenshynriah SC kala jop da 2-1 kol ïa ka Sutnga SSCC, ïa ki kol na ka R.Shkenshynriah SC la thep da ki ar ngut shi para kata u Yooluti Dkhar haka minit ba 18 bad u Ribiang Dkhar haka minit ba 69. Katba ïa ka shikol na ka Sutnga SSCC la thep da u Raplangki Lyngdoh haka minit ba 85 (penalty)
Da kane ka jingjop ka R.Shkenshynriah SC kan ïakhun biang bad ka Thangskai Tiger SC haka Semi Final (Qualifier 2) ka ban long haka 13/12/2024 ha ka por 1 baje nohphai sngi ban ïoh rung sha ka jingïakhun phainal jong kane ka lympung.