Ka lympung ïalehkai phutbol jong ka kyrdan ‘Super Division Football Tournament – 2024’ ïa kaba la tip kum ka “U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kaba la long mynta ka sngi 21 tarik u Naiwieng ha madan Kiang Nangbah Stadium, Dongmihsngi Jowai.
Ha ka jingïakhun kaba nyngkong ka kynhun ïalehkai jong ka Demthring SC kala pynliem da 1-0 kol ïa ka Ladthadlaboh SC, ïa katei ka shikol na ka Demthring SC la thep da u Francis Mukhim haka minit ba 78.
Katba ha ka jingïakhun kaba ar ka Wahiajer kala pynliem da 1-0 kol ïa ka 7 Wasa United, ïa katei ka kol na ka Wahiajer la thep da u Budda Rani haka minit ba 86.
La pyntip ka jingïakhun haka 23 tarik u Naiwieng, 2024 ka long hapdeng ka Demthring SC pyrshah ïa ka Mukhla Raij SC ha ka por 11 baje mynstep. Katba ka Wahiajer kan ïakhun pyrshah ïa ka Sailung Ialong ha ka por 2 baje nohphai sngi.