Ka jingïalehkai phutbol haka kyrdan Super Division Football Tournament 2023 bala ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun naka liang ka kynhun ïalehkai jong ka Khimusniang kala lah ban pynliem da 4-2 kol ïa ka Mynthong, ïa kitei ki kol na ka Khimusniang la thep marwei da u Precious Tang ha minit ba 4, 35, 46 & 90+2. Katba na ka liang ka Mynthong la thep da u A. Khan haka minit ba 15 bad u Pynkhreh Talang manit 40.
La pyntip ba ka jingïakhun lashai ka sngi 28.11.2023 kan long hapdeng ka 7 Wasa United pyrshah ïa ka Sailung Ialong haka por 1 baje shiteng nohphai sngi.