Ka jingïalehkai phutbol haka kyrdan Super Division Football Tournament 2023 bala ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun ka Ladthadlaboh kala lah ban pynliem haduh 5-0 kol ïa ka Shangpung Lumiawmuchai, ïa kitei ki san kol na ka Ladthadlaboh la thep da u Daunisakhiat Dkhar haka minit ba 8, u Banteilang Shylla saw kol haka minit ba 56, 70, 72 & 90+3.
La pyntip ba kane ka lynpung Super Division mynta u snem kala jam noh sha ka Semi Final ka jingïakhun ba nyngkong haka 4.12.2023 ha ka por 1 baje nohphai sngi kan long hapdeng ka Ladthadlaboh pyrshah ïa ka Sailung Ialong, ka Semi Final ba ar haka 5.12.2023 ha ka por 1 baje nohphai sngi hapdeng ka 7 Wasa United pyrshah ïa ka Nangbah Mulang, katba ka jingïakhun Semi Final ba lai kan long haka 9.12.2023 haka por 1 baje nohphai sngi na ka bynta ka kynhun ban rem ha ka qualifier pyrshah ïa kaba jop haka eliminator.
