Ka jingïalehkai phutbol haka kyrdan Super Division Football Tournament 2023 bala ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai ha madan Kiang Nangbah Stadium, Dongmihsngi Jowai.
Ha ka jingïakhun kaba long mynta ka sngi Saitjaiñ na ka liang ka Mukhla Raij kala pynliem da 2-0 kol ïa ka Khimusniang, ïa kitei ki ar kol na ka Mukhla Raij la thep da u Meker Pyrtuh haka minit ba 25 bad u Chandame Suna haka minit ba 90+1. Ka kynhun ïalehkai jong ka Khimusniang kala pyrshang ban pynphai ïa kitei ki ar kol hynrei kam lah satia haduh ba kut jong ka jingïakhun.
La pyntip ba ka jingïakhun haka sngi nyngkong 30.10.2023 kan long hapdeng ka Shangpung Lumiawmushai pyrshah ïa ka 7 Wasa United haka por 2 baje nohphai sngi.