Ka lympung ïalehkai phutbol jong ka kyrdan ‘Super Division Football Tournament – 2024’ ïa kaba la tip kum ka “U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kaba la long mynta ka sngi 8 tarik u Naiwieng ha madan Kiang Nangbah Stadium, Dongmihsngi Jowai.
Ha ka jingïakhun kaba nyngkong ka kynhun ïalehkai jong ka Nangbah Mulang kala pynliem da 10-1 kol ïa ka Shangpung Lumiawmuchai, ïa kitei ki kol na ka Nangbah Mulang la thep da u Suting Syrti haka minit ba 5, u Bastanlangmi Sutnga haka minit ba 17, u Pynshai Lanthong haka minit ba 27, u Niponghi Sumer haka minit ba 39, 52 & 76, u Mediphrangki Pohleng haka minit ba 55, u Timmy Ryngkhlem haka minit ba 82, u Soniroy Suchiang haka minit ba 88 bad u Civility Khongmalai haka minit ba 90+2. Katba ïa ka shikol na ka Shangpung Lumiawmuchai la thep da u Mewathi Sungoh haka minit ba 42.
Haba phai sha ka jingïakhun kaba ar hapdeng ka kynhun Demthring bad ka Wahiajer kila poi sha ka jingïakhaid da mar shikol (1-1) kol. Ïa ka kol na ka Demthring la thep da u Justerwell Tham haka minit ba 90+2. Katba na ka Wahiajer la thep da u Deciduous Pyrtuh haka minit ba 7.
La pyntip ka jingïakhun haka 9 tarik u Naiwieng, 2024 ka long hapdeng ka 7 Wasa United pyrshah ïa ka Sailung Ialong ha ka por 11 baje mynstep, katba ka Mukhla Raij SC kan ïakhun pyrshah ïa ka Ladthadlaboh ha ka por 2 baje nohphai sngi.