Ka lympung ïalehkai phutbol jong ka kyrdan ‘Super Division Football Tournament – 2024’ ïa kaba la tip kum ka “U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kaba la long mynta ka sngi 13 tarik u Naiwieng ha madan Kiang Nangbah Stadium, Dongmihsngi Jowai.
Ha ka jingïakhun kaba nyngkong ka kynhun ïalehkai jong ka Nangbah Mulang kala pynliem da 2-1 kol ïa ka Demthring SC, ïa kitei ki kol na ka Nangbah Mulang la thep da u Roland Shylla haka minit ba 2 bad u Samepaia Ryngki haka minit ba 90+1. Katba ïa ka shikol na ka Demthring SC la thep da u Marshial Nongrum haka minit ba 40.
Ha ka jingïakhun kaba ar hapdeng ka Ladthadlaboh bad ka 7 Wasa United kial poi sha ka jingïakhaid khlem da don kiba ïoh ban thep kol.
La pyntip ka jingïakhun haka 15 tarik u Naiwieng, 2024 ka long hapdeng ka Mukhla Raij SC pyrshah ïa ka Wahiajer ha ka por 11 baje mynstep. Katba ka Demthriang SC kan ïakhun pyrshah ïa ka Sailung Ialong ha ka por 2 baje nohphai sngi.
****************************