Ka lympung ïalehkai phutbol jong ka kyrdan ‘Super Division Football Tournament – 2024’ ïa kaba la tip kum ka “U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kaba la long mynta ka sngi 28 tarik u Naiwieng ha madan Kiang Nangbah Stadium, Dongmihsngi Jowai.
Ha ka jingïakhun kaba nyngkong ka kynhun ïalehkai jong ka Nangbah Mulang kala pynliem da 3-0 kol ïa ka Sailung Ialong, ïa ki kol na ka Nangbah Mulang la thep da u Roland Shylla haka minit ba 11, u Niponghi Sumer haka minit ba 25 bad u Soniroy Suchiang haka minit ba 45+1.
Katba ha ka jingïakhun kaba ar hapdeng ka Wahiajer bad ka Ladthadlaboh SC kila poi sha ka jingïakhaid da mar 2-2 kol, ïa ki kol na ka Wahiajer la thep da u Riburom Jat haka minit ba 35 bad u Diceduous Pyrtuh haka minit ba 80. Na ka liang ka Ladthadlaboh SC la thep da u Buromlangki Salahe haka minit ba 54 bad u Jervisly Rymbai haka minit ba 90+2.
La pyntip ka jingïakhun Semi Final ba nyngkong kan long ha ka haka 2 tarik u Nohprah, ba ar ha ka 3 tarik bad ka Semi Final ba lai ha ka 7 tarik u Nohprah, 2024.