Ka jingïalehkai phutbol haka kyrdan Super Division Football Tournament 2023 ba la ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai mynta ka sngi ha madan Kiang Nangbah Stadium, Dongmihsngi Jowai.
Ha ka jingïakhun naka liang ka Sailung Ialong kala lah ban pynliem da 2-0 kol ïa ka Mynthong, ïa kitei ki ar kol na ka Sailung Ialong la thep marwei da u Bachan Pale haka minit ba 51 & 90.
La pyntip ba ka jingïakhun lashai ka sngi 26.10.2023 kan long hapdeng ka Ladthadlaboh pyrshah ïa ka Nangbah Mulang haka por 2 baje nohphai sngi.