Ka lympung ïalehkai phutbol jong ka kyrdan ‘Super Division Football Tournament – 2024’ ïa kaba la tip kum ka “U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kaba la long mynta ka sngi 11 tarik u Naiwieng ha madan Kiang Nangbah Stadium, Dongmihsngi Jowai.
Ha ka jingïakhun kaba nyngkong ka kynhun ïalehkai jong ka Wahiajer kala pynliem da 4-1 kol ïa ka Shangpung Lumiawmuchai, ïa kitei ki kol na ka Wahiajer la thep da u Riburom Jat haka minit ba 43, u Nicky o chwa Pakma haka minit ba 60, u Cleverson Lyngdoh haka minit ba 77 bad u Heimomi Dkhar haka minit ba 90+1. Ïa ka shikol na ka Shangpung Lumiawmuchai la thep da u Pynshrainmi S Mannar haka minit ba 14.
La pyntip ka jingïakhun lashai ka sngi 12 tarik u Naiwieng, 2024 ka long hapdeng ka Sailung Ialong pyrshah ïaka Mukhla Raij SC ha ka por 11 baje mynstep.