Ka lympung ïalehkai phutbol jong ka kyrdan ‘Super Division Football Tournament – 2024’ ïa kaba la tip kum ka “U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kaba la long mynta ka sngi 15 tarik u Naiwieng ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong ka kynhun ïalehkai jong ka Wahiajer kala pynliem da 4-0 kol ïa ka Mukhla Raij, ïa ki kol na ka Wahiajer la thep da u Riburom Jat haka minit ba 7, u Pynkhreh Talang haka minit ba 71, u Nicky o chwa Pakma haka minit ba 77 bad u Niwan o Gatphoh haka minit ba 87.
Katba ha ka jingïakhun kaba ar ka kynhun ïalehkai jong ka Demthring SC kala pynliem haduh shiphew 10-0 kol ïa ka Sailung Ialong, ïa kitei ki kol na ka Demthring SC la thep da u Phang Sumer haka minit ba 13, 20, 44 & 51, u Marshial Nongrum haka minit ba 19 & 49, u Justerwell Gham haka minit ba 57, u Willson Dkhar haka minit ba 75, u Jendeng Mukhim haka minit ba 76 bad u Ksankupar Khongmalai haka minit ba 80.
La pyntip ka jingïakhun haka 18 tarik u Naiwieng, 2024 ka long hapdeng ka Shangpung Lumiawmushai pyrshah ïa ka 7 Wasa United ha ka por 11 baje mynstep. Katba ka Ladthadlaboh SC kan ïakhun pyrshah ïa ka Nangbah Mulang ha ka por 2 baje nohphai sngi.