Ka lympung ïalehkai phutbol jong ka kyrdan Super Division Football Tournament-2024 kaba la tip kum ka 4th Kyrmen Shylla Contribution Trophy ïa kaba la pynïaid da ka East Jaiñtia Hills District Football Association (EJHDFA) kaba la long mynta ka sngi 12 tarik u Naiwieng, 2024 ha madan EJDSA Artificial Turf, Diengshynrum, Khliehriat.
Haba phai sha ka jingïakhun kaba nyngkong ka kynhun ïalehkai jong ka Dhana CSC kala pynliem da 3-1 kol ïa ka R Shkenshynriah SC, ïa ki kol na ka Dhana CSC la thep da u Harita Suchen haka minit ba 21 bad u Wanlam Kassar haka minit ba 45 bad u Pynio Dkhar haka minit ba 61. Ïa ki shi kol na ka R.Shkenshynriah SC la thep da u Shepherd Ksih haka minit ba 24.
Ha ka jingïakhun kaba ar ka Ladrymbai-B SC kala pynliem da 2-1 kol ïa ka Khliehriat West YWSC, ïa ki kol na ka Ladrymbai-B SC la thep da u Rimetre Lyngdoh haka minit ba 30 bad u Mihsalan Suiam haka minit ba 71. Katba ïa ka shikol na ka Khliehriat West YWSC la thep da u Dawyoo Bhoi haka minit ba 76.
La pyntip ka jingïakhun lashai ka sngi 14 tarik u Naiwieng kan long hapdeng ka Thangskai Tiger SC pyrshah ïa ka Sutnga SSCC haka por 2:15 pm, katba ka Chiehruphi SYWSC pyrshah ïa ka R.Iawpynsinh SC ha ka por 2:15 pm.
