Ka jingïalehkai phutbol ha ka kyrdan Super Division Football Tournament 2023 ba la ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai hynnin ka sngi siatjaiñ ha madan Kiang Nangbah Stadium, Dongmihsngi Jowai.
Ha kane ka jingïakhun ka Nangbah Mulang kala lah ban pynliem da 3-1 kol ïa ka Mynthong, ïa kitei ki kol na ka Nangbah Mulang la thep ar kol da u Albert Lyngdoh haka minit ba 49 & 85, bad u Soki Lamare haka minit ba 62. Katba na ka liang ka Mynthong ïa ka shikol la thep da u Pynkhreh Talang haka minit ba 15.
La pyntip ba ka jingïakhun lashai ka sngi 23.10.2023 kan long hapdeng ka Mukhla Raij SC pyrshah ïa ka Shangpung Lumiawmushai haka por 2 baje nohphai sngi.