Kum shi bynta ban pynshlur ia ki khynnah ha ka pule puthi sha ki thaiñ nongkyndong, ka Farm Connect Development Society, ka la ai sngewbha da ka Computer Desktop, ka Printer bad ki kopi (notebook) bad ki Khulom bad kiwei kiwei de ki jingdonkam sha ki khynnah Skul jong ka St. Eugene English School, Lad Lakadong, East Jaiñtia Hill District.
Ia kane ka jingai sngewbha la synñiang da ka Cozicars Shillong ka ba dei ka Car Detailing Studio kaba don ha Mawiong, Shillong. Ia kine ki jingai sngewbha la aiti ha u Principal ka School bad ki nonghikai ha ryngkat ka jingiadonlang ki khynnah skul.
Kane ka skul ka don sha kyndong bha bad u surok ruh u ba sniew bha ban poi sha katei ka skul. Ki khynnah ki dei kiba wan na ki longïing ba duk bad ki don ki khynnah khunswet ruh. Ka Farm Connect Development Society kaba dei kawei na ki registered society kaba trei mon sngewbha ban iarap ia ki nongrep bad ki baduk sha ki thaiñ nongkyndong.
Kumjuh ka seng kala kyrpad ia kiwei ruh ki kynhun ne ki riew shimet ban kner ki lad jingiarap sha ki skul nongkyndong kiba donkam shisha ia ki jingiarap ban kyntiew ia ka pule puthi jong ki khynnah bad ia ki skul bapher bapher.
Kane ka long katkum ka kyrwoh ba la pyllait na u Justice Paul Lyngdoh, Vice President Farm Connect Development Society.