Ka Jaintia Students’ Movement (JSM) Nartiang Circle, ha ka 31 tarik u Nohprah 2021 kala laioh lad ban noh Synniang da ki Blanket bad donation sha ki khynnah Khunswet kiba don ha Modop, Nartiang ki ba dei peit da ka Mission ha katei ka Shnong.
Bad ha kajuh ka sngi, ka JSM kala sam ia ki khusnam sha ki 20 ngut ki samla kiba treikam lajong, kiba kynthup ia ki kam kum ki Designer, Saloon, Beauty parlour bad kiwei kiwei de ki jait kam ba ki trei hi dalade bad seng kam lajong.
Ia katei ka jingialang la pyllong ha Modop Community Hall haka jingdonlang u Secretary Shnong ma E. Pale, ki nongialam Sengbhalang bad kiwei de ki samla ka shnong Modop.
Ha katei ka jingsam khusnam na ka liang ka seng JSM Nartiang Circle ha ka jingkyrshan lang ki nongialam Seiñbei, u Bah Ed Lamare Senior Excutive Secretary kum kongsan, ma C. Nongtdu, PS Phawa Chief Organising Secy CB, Ribok Biam President Western Region bad kiwei kiwei ki Nongialam ka Western Region.
Ia kitei ki 20 ngut ki samla la ioh ban ai da ki Certificate, ka pisa bad ki blanket kaba long kum ka dak ban nang iai pynshlur shuh shuh ia ki ba kin ïeng ha la ki jong ki kjat.
