Ka North Eastern Regional Load Despatch Centre (NERLDC) ka Grid Controller of India Limited (Grid-India) kum shi bynta na ka jingshakri paidbah na ka bynta ban pynbiang ia ki tiar ba donkam ha ki jaka sumar , kala synñiang da ki tiar ki tar ba kongsan sha ka Ganesh Das Hospital bad sha ka Rynjah State Dispensary ha nongbah Shillong bad ruh sha ka Lokhara State Dispensary kaba don ha nongbah Guwahati.
Kane ka jingnoh synñiang kane ka company kala kot shaduh Rs.16.64 lak tyngka ia kaba la mang na ka bynta u snem 2022-2023. Kine ki tiar ki kynthup ia ki jingthiah ICU, ki Infant warmaer, cardiac monitor, physiotherapy unit, infusion pump, suction, patient trolley, x-ray machine and ECG machine ia kiba la pyllait paidbah da u Executive Director ka NERLDC, Grid-India ha Ganesh Das Hospital ha ka 24 tarik jong u bnai Rymphang bad ha Rynjah State Dispensary ha ka 28 tarik u Rymphang. Katba ia ka jingaiti ia ki tiar ha Guwahati yn sa pynlong ha kine ki khyndiat sngi ban wan.
