Ki ar tylli ki sengbhalang kita ka ‘Hynniewtrep New Generation Movement (HNGM) bad ka Cdooh Ri Jaintia Maya (CRJM) hapoh ka jingialam jong u President ka HNGM u D. Siangshai ryngkat bad u General Secretary ka CRJM u B.Suchiang kila leit ban synniang jingiarap sha ka 7th Thyndai Child Care Institutute ka jaka ri khunswet kaba don ha shnong Kmai shnong East Jaintia Hills District ha 04/8/2023.
Kine ki ar seng kila synniang da ki mar bam sha kane ka jaka ri Khunswet. Ka seng HNGM bad CRJM kala buh ia ka thong ban ai jingiarap sha kino kino ki jaka ri khunswet kiba don ha ri Lum Jaintia. Kila pynpaw ruh ba ia kum kine ki jingnohsynniang la ju sam ha ki por ba la dep sha kiwei ki jaka ri Khunswet.
Ha kane ka sngi na ka liang ki nongialam kila ai ia ki kyntien jingsneng jingkyntu bad ka jingkyrkhu kyrdoh ia ki khynnah ba don ha kane ka jaka ri Khunswet.
