Ka EJNC Khliehmyntriang Unit hapoh ka jingialam jong u President u bah Lektor K Dkhar kala ioh lad ban kner jingiarap da kaba synniang da ki shuki plastic sha ka balang Presbyterian Khliehmyntriang hynnin ka sngi.
Ha shaw ban sam ia kine ki shuki kala don ka jingialang kaba lyngkong bala pynbeit da u tymmen basan jong ka balang Presbyterian Khliehmyntriang bad la iadon lang ruh ki dkhot ka committee balang. Na ka liang u Lektor K Dkhar u la ong ruh ba mynta hi ki ba bun ki briew kim ju pyni lynti ia ki nongialam Seng bhalang hynrei kiba bun dei tang ki nong kdew kti te kumta ym kwah shuh ban jia kum kita nangne sha khmat bad u la kular ruh kum ka Seng hi ka kloi ban ia don bynta lang bad ka balang ha kino kino ki jingeh ki ia kynduh, u la ong ba ki jingiarap kadei ka jingiarap kaba rit hynrei ki la iarap pat naduh ka mynsiem.
Ha kane ka sngi la ia don lang ruh katto katne ngut ki member jong ka EJNC Khliehmyntriang Unit.
