Ka dei ka sienjam kaba kongsan ban pynkhlaiñ ïa ki jingshakri ha ka koit ka khiah ha kane ka thaiñ, ha kaba u Lat ka Jylla u Phagu Chauhan u la noh synñiang da ka Ambulance sha kawei na ki seng treimon sngewbha ha nongbah Shillong ka Seva Bharati Meghalaya mynta ka sngi.
Ha ka jingiadei bad kane la pynlong ia ka jingialang kaba lyngkot ha ha ka Raj Bhavan Shillong mynta ka sngi na ka bynta ban aiti ia kane ka kali kit nongpang sha kane ka seng. Ha kaba u Lat ula kaweh ia ka lama ka ba long ka dak ban aiti ia kane ka kali.
Kane ka jingai sngewbha ka long ka por kaba kongsan bha na ka bynta ka seng, kaba la pynpaw ia ka jingsngewnguh kaba khraw na ka bynta kane ka jingnoh synniang kaba kordor jong u Lat.
Ha kane ka sngi aiti ia ka Ambulance la iadonlang ruh u Principal Secretary jong u Lat ka Jylla, u Shri Harish Chandra Chaudhary, ryngkat ki ophisar bad ki nongtrei jong ka Raj Bhavan, Shillong, bad ki dkhot jong ka Seva Bharati Meghalaya.
Kum ban shu pynkynmaw ba ka Seva Bharati Meghalaya ka dei ka seng kaba shakri ha ka imlang sahlang kaba la pynrung kyrteng hapoh ka Meghalaya Societies Registration Act ha u snem 1995. Ha kine ki 18 snem ba la dep, ka la pyniar ia ka jingshakri jong ka sha baroh ki District jong ka jylla Meghalaya, da kaba pynleit jingmut ha ka liang ka koit ka khiah, ka pule puthi, ka jingai jinghikai ha ki kam bapher, kumjuh ruh ka jingkyntiew ia ka riti dustur hapoh ka ri.
star_border
Send feedback