Ki Nongialam jong ka Federation of Khasi Jaintia & Garo People (FKJGP), West Jaintia Hills mynta ka sngi ka 22 tarik Risaw 2025 ki la leit synran ia ki nongrep jong ka shnong Lapangap ban leit ot ia u kba uba la ih hadien ba la dei ka por ban ot.
Ha kane ka jingleit ot ia u kba la synran lang ia ki nongrep da ki nongialam FKJGP West Jaintia Hills ha ryngkat ki bor pulit bad ki paidbah nongshnong ka Shnong Lapangap.
Haba kren ha kane ka sngi na ka liang U Samla Nangkhraw Rani, General Secretary FKJGP West Jaintia Hills u la ong ba ka Seng mynta ka sngi ka la wan synran ia ki nongrep ban ot ia u kba hadien ba ka la don ka jingiakren na ki arliang mamla.
Na ka liang ka Seng ka Sngewkhia halor ka jingleh kyllut ka sorkar ha kaba ka pyndem ha ka sorkar Assam bad kumjuh ia ka Jaintia hills Autonomous District Council kaba haduh kane ka khyllipmat ka sngap jar halor ka Lapangap.
Na ka liang ka Seng ka pynrem jur halor ka jingsngap jar jar jong ki nongmihkhmat ka Jaintia Hills Autonomous District Council bad lada kim lah ban leh ei ei ka bha ba kin hiar noh na ka shuki ba ki don,la ong u General Secretary ka FKJGP West Jaintia Hills District.
