Ka Jaintia Students’ Movement (JSM) Western Region ryngkat ki nong ialam ka CEC kynthup ia u bah Ed Lamare Vice President CEC, Bah PS Phawa Chief Organising Secy CEC, u P Suchiang Vice President Western Region, C. Suchiang Secretary Western bad Heboyme Myrphet Asst Education secy CEC kila leit ban iasynran lang ia ki Waheh Shnong ka Lapangap bad Excutive Shnong ban ia kynduh ia u DC ha ka ophis treiakam jong nongbah Jowai.
Ha kane ka jingialang la don lang U SP ka West Jaintia ma S. Syrti. La ioh ban iatai sani bha ia ka suk ka saiñ sha ki thaiñ border ka Lapangap khamtam ia ka jingshah pyndik man ka por ha ki Nong Karbi.
Nakaliang ka Shnong ka la ai jingthoh halor ka jingshah pynwit ha ki Karbi khamtam ban rep riang, namar la jan ka por ban ot noh ia u Kba u khaw sa tang ar taiew ei ei mynta shakhmat.
La buh jingthoh ruh khamtam ia ka jing shah pyndik man ka por ha ki Karbi, Naduh u sying, ruh la shah pynjot, ki trep skim bad kiwei kiwei.
Halor kane na ka liang u Deputy Commissioner, West Jaintia ula kular ban phah ia kane sha ki ba halor bad ban iakynduh noh baroh arliang mamla ban pynsuk ia ka rep ka riang ha katei ka thaiñ border.
Shuh shuh na ka liang ka Seng ka la kyrpad jur ia u DC ba un sngewbha ban kitkhia halor kane bad ban phah noh mardor da ki Central forces ban ai jingiada ia kine ki nongshong shnong ba don lyngkha ha katei ka jaka bad lada ki bor ba halor kim lah ban leh ei ei na ka liang ka JSM bad ka Dorbar Shnong kin sa wad ki lad da kumwei ban ioh ot ia u Kba u khaw ha katei ka jaka, bad ki bor ba halor ki dei ban shim ka jingkitkhlieh lada jia ei ei ong ka JSM.
