Ka ophis jong ka Deputy Commissioner, East Khasi Hills kala plie ia ka jingthep vote online ha ka jingiadei bad ka jingiakop ban pynitynnad iala ki jong ki dong ki shnat ne ki shnong kiba hap hapoh ka nongbah Shillong.
Ia kane ka online voting la plie naduh mynta ka sngi (8.8.2022) ter ter da kaba leit ha ka website http://www.beautyshillong.com.
Ia ka rai jop yn bishar na ka jingioh vote bad ruh na ka jingjurip jong ki riew shemphang. Ka dong ne shnong ba ioh ia ka kyrdan ba nyngkong kan ioh T.5 lak tyngka, kaba wan ba-ar kan ioh T.3 lak tyngka bad kaba wan ba-lai kan ioh T.2 lak tyngka.
Kan don ruh ka khusnam ia ki jingpynitynnad ha ki surok (Street Art) ha kaba ki nongthep vote ki lah ban thep online lyngba katei ka website bala ai. Ka pisa kaba ki shnong ba jop kin ioh kin hap ban pyndonkam hi sha ka jingpynbha pynmiat shuh shuh ia ka shnong ka thaw katkum ka jingibit jong ki.